Pupatella

Bovio - Buongiovanni

Quanto ve prego, continuate!

chest'è 'a serata d''e ttarantelle...

State abballanno? E abballate,

ca nun mme 'mporta 'e niente

mo ca, 'mpruvvisamente,

só' asciuto a libertá!

(Pecché triemme? Nun hê 'a tremmá...

jammo abballa...nun fá abbedé)

e ride, ca si ride si' cchiù bella,

Pupatè'...

E abballa 'a tarantella

ca i' tengo mente a te!

Mm'hanno menato quatto palomme

ca só' arrivate dint''e ccancelle;

steva signato nu nomme:

'o nomme 'e chist'amico

ca vò' abballa cu tico

pe' fá nu sfreggio a me...

(Pecché triemme? Nun hê 'a tremmá...

................................................................

Dint''e ccancelle, cierti mumente,

sti mmane a morze mme só' magnáte!

I' nun capevo cchiù niente...

Dicevo: E comm'è stato

s'i' stóngo carcerato

p'essa? (Pe' te! Pe' te!)

(Viene, abballa, strígnete a me...

quanno abballe si' sempe tu...)

'O vi' ll'amico tujo ca sta tremmanno,

Pupatè'...

'O ssape ca i' te scanno

ma nun t'ajuta a te!

Città   |   Mare   |   Terme   |   Parchi   |   Enogastronomia   |   Folklore   |   Cultura   |   Università   |   Canzoni   |   Personaggi famosi   |   Scambio link   |