Passione

Bovio - Tagliaferri - Valente

Cchiù luntana mme staje,

cchiù vicina te sento...

Chisá a chistu mumento

tu a che pienze...che faje!...

Tu mm'hê miso 'int''e vvéne,

nu veleno ch'è doce...

Comme pesa 'sta croce

ca trascino pe' te!...

Te voglio...te penzo...te chiammo...

te veco...te sento...te sonno...

E' n'anno,

- ce pienze ch'è n'anno -

ca st'uocchie nun ponno

cchiù pace truvá?...

E cammino, cammino...

ma nun saccio addó' vaco...

I' stó' sempe 'mbriaco

e nun bevo maje vino...

Aggio fatto nu vuto

â Madonna d''a neve:

si mme passa 'sta freve,

oro e perle lle dó'...

Te voglio...ecc...

Città   |   Mare   |   Terme   |   Parchi   |   Enogastronomia   |   Folklore   |   Cultura   |   Università   |   Canzoni   |   Personaggi famosi   |   Scambio link   |