'Ncopp 'e Camaldule

De Lutio - Cioffi

'Ncopp''e Camáldule, addó' 'a dummeneca

ce ne sagliévamo, comme vurría turná!

E ce scegliessemo na via sulagna

'e sti ccampagne, pe' ce puté vasá!

Addó' ce sta na funtanella ancora

ca, cchiù 'e na vota, ce ha levato 'arzura...

Pare ca ll'acqua canta: "Ammore, ammore..."

comme cantava 'o core tujo, Marí'...

Pecché, pecché...

nun vuó' turná cu me 'ncopp''e Camáldule?!

Pecché, pecché...

nun pònno cchiù turná chelli ddummeneche?!

Quanno dicive, pallida,

cu 'o desiderio 'e me:

"Chisà quala dummeneca,

io moro 'mbracci'a te!"

E' maggio e guardo nu calannario:

Stu mese, 'o quínnece, ce avevam''a spusá...

P''o mare, tornano 'e rrundinelle

e tu, 'a cchiù bella, nun viene a dí: "Stó' ccá!"

'A vicchiarella mia t'aspetta ancora:

T'arraccumanna 'int''e ppreghiere, 'a sera...

'A puverella se lusinga e spera

'e te vedé, felice, 'mbracci'a me!...

Pecché, pecché...

............................

 

Città   |   Mare   |   Terme   |   Parchi   |   Enogastronomia   |   Folklore   |   Cultura   |   Università   |   Newsletter   |   Canzoni   |   Personaggi famosi   |   Scambio link   |